Ballkani ka bërë çmendurinë duke përmbysur rezultatin ndaj Prishtinës nga 0 – 1 në 2 – 1, brenda gjashtë minutave të fundit të ndeshjes.

Ishte sulmuesi Otto John që në minutën e 36-të ‘tundi’ portën e “Xhebrailave” pas asistimit të bukur nga Makenda, shkruan portali arbresh.info.

Ndeshja ishte tejet dramatike, derisa trajneri Ismet Munishi ishte i pakënaqur me referimin dhe gjatë ndeshjes u dëgjua duke thënë: ‘Paskan ardh me refer e me krejtë”.

Mirëpo, vendasit nuk u ndalen dhe ishte Mevlan Zeka që realizoi dy herë në fundin e takimit (89’, 90+6) për t’i arkëtuar pikët e plota.

Pas kësaj fitore të çmendur Ballkani mbetet lider me 22 pikë, derisa Prishtina në pozitën e katër me 11 sosh.

Gjilani gjithashtu ka fituar ndaj Besës me rezultat 1 – 0.

Autogoli i De Paula bëri që skuadra vendase të fitojë ndeshjen.

Me këtë fitore, Gjilani renditët në pozitën e tretë me 16 pikë, derisa Besa e Pejës në fund me vetëm pesë pikë.

Ndërkohë, Drenica i është rikthyer fitoreve duke arkëtuar pikët e plota në shtëpi ndaj Trepçës ’89 (2 – 1).

Lushtaku dhe Zabërgja shënuan për fitoren e skuadrës nga Skenderaji, kurse golin e nderit për skuadrën mitrovicase e shënoi Muja.

Drenica pas kësaj fitore ngritët në pozitën e shtatë me 11 pikë, aq sa ka edhe Trepça ’89 një pozitë më lartë./arbresh.info